Bul týraly Aqtaý qalalyq taýarlar men kórsetiletin qyzmetterdiń sapasy jáne qaýipsizdigin baqylaý basqarmasynyń basshysy Asıma Jarylǵasovaǵa silteme jasap Mańǵystaý oblysynyń qoǵamdyq kommýnıkasııa ortalyǵy habarlady.
Asıma Jumabaıqyzynyń sózinshe, bir naýqas búgin keshke úıine jiberiledi. Ol Qyzylorda óńirinen Aqtaýǵa jumys jasaýǵa kelgen azamattyń jubaıy. О́zin jaqsy sezinedi. Barlyq medısınalyq taldaý teris nátıje kórsetken.
- Bul kisiniń joldasy - 50 jastaǵy er adam jasandy tynys alý apparatyna qosylǵan. Jaǵdaıy aýyr dep baǵalanyp otyr. Odan bólek taǵy eki naýqas em qabyldap jatyr. Qazirgi jaı-kúıin ortasha turaqty dep aıtýǵa bolady. Saýyǵyp turyp stasıonardan shyǵady dep úmittenemiz, deıdi ol.
Aıta keteıik, provızorlyq jáne observasııalyq oryndarǵa túsken adamdardyń azǵasynda vırýstyń bar-joǵy anyqtalady. Teris nátıje bolǵan jaǵdaıdyń ózinde karantın merzimi aıaqtalǵan soń ǵana úıine bosatylady. Bul rette onyń 14 kún ózin-ózi oqshaýlaýy mańyzdy. Iаǵnı, oǵan óz baspanasynan shyǵýyna bolmaıdy. Ol turatyn páter nemese úıge basqa adamdardyń barýyna tyıym salynady. Oqshaýlandyrylǵan azamat únemi betperde taǵýy qajet. Bólmelerdiń ishin únemi zalalsyzdandyryp turý kerek.
- Qazirgi tańda Mańǵystaý oblysynda shetelde bilim jatqan stýdentter kelip jatyr. Barlyǵy birdeı mindetti túrde medısınalyq tekserýden ótedi. Olardyń arasynda Aqtóbede 14 kún karantınde bolyp, tekserýden ótkenderi bar. Berilgen qujatqa sáıkes óz úılerine qaıta alady. Qazir turǵylyqty meken-jaılary boıynsha karantınge alyndy. Qaýipti indettiń aımaqta taralýy sharyqtaý shegine jetti dep aıtýǵa bolmaıdy. Eger turǵyndarymyz tótenshe jaǵdaı tártibin buzbaı, úıde otyrsa bul kezeńnen ótemiz», - dep oı túıdi Asıma Jarylǵasova.
Mamandardyń aıtýynsha, vırýs kıim-keshekke juqqannyń ózinde tirshiligin joıady. Alaıda, plasmast nemese temir túımede biraz ýaqyt saqtalady. Osy sebepti asa qajet bolmasa túımesiz nemese beldiksiz kıimderdi kıgen jón. Smartfon ekrany men onyń qorǵanysh tysqabyn jıi súrtip turǵan durys. Zalalsyzdandyrǵysh eritindimen óńdelgen zattardy 15 mınýt qozǵamaý qajet.
Sonymen, bul Mańǵystaýda atalǵan vırýstan emdelip shyqqan ekinshi adam bolyp sanalady.