Almaty oblysynyń krımınaldyq polısııa qyzmetkerleri qarý-jaraqpen týǵan kún atap ótpekshi bolǵandardy ustady. Bul týraly IIM baspasóz qyzmeti habarlady.
Aqsý aýdanynda atys qarýy bar bir top adam jınalyp jatyr degen aqparat túskennen keıin jedel-tergeý toby men polısııanyń arnaıy bólinisteri qyzmetkerleri dereý iske kiristi. Nátıjesinde Qapal aýylynyń shetinde ornalasqan Kishi Shymbulaq eldi mekeninde 5 avtokólikpen kelgen 19 adam ustaldy. Atalǵan tulǵalar mánerlep syrǵanaýshylardyń biriniń týǵan kúnin toılaý úshin jınalǵan.
Oblys ortalyǵynyń turǵyndaryna tıesili «Toıota Kamrı 50» jáne «Leksýs 330» markaly avtokólikterin tekserý kezinde 4 travmatıkalyq tapansha, 1 atys qarýy jáne 43 patron tárkilendi. Qarý men oq-dárilerdi zańsyz saqtaý faktileri boıynsha sotqa deıingi tergeý bastaldy. Sot-ballıstıkalyq saraptama taǵaıyndaldy.
Tótenshe jaǵdaı kezinde karantın rejımin buzǵany úshin 19 adamǵa qatysty ákimshilik hattamalar toltyryldy, materıaldar ustalǵandardyń turǵylyqty jeri boıynsha sot qaraýynda jiberildi.
Ustalǵan 4 adamnan atys qarýy alynyp, ýaqytsha ustaý ızolıatoryna qamaldy.