Búgin Shymkent qalasy Polısııa departamenti BAQ ókilderi men qoǵam belsendileri úshin departament basshysy, polısııa polkovnıgi Eraly Jumahanbetovtyń qatysýymen baspasóz týryn uıymdastyrdy.
Baspasóz týry aıasynda BAQ ókilderi tótenshe jaǵdaı kezinde qala aýmaǵynda jáne kireberisterinde qoıylǵan blok-beketterdiń jumysymen tanysty. Sondaı-aq karantın rejımine baılanysty qabyldanǵan sharalardyń barlyq týyndaǵan máseleleri boıynsha qosymsha túsindirme berildi.
Shymkent qalasy aýmaǵynda koronavırýstyq ınfeksııanyń taralýyna jol bermeý sharalaryn iske asyrý maqsatynda Shymkent qalasy PD-niń 1206 qyzmetkeri jumyldyrylǵan.
Shymkent qalasynyń kireberisterinde 18 blok-beket jumys atqarýda. Al qala kósheleriniń qıylystarynda 20 beket qoıylǵan.
Tótenshe jaǵdaı rejımin buzǵany úshin QR ÁQBtK-niń 476-baby boıynsha 842 hattama toltyrylǵan. Onyń ishinde 308 jaıt boıynsha ákimshilik sotpen qaýly shyǵarylyp (61 adam ákimshilik qamaýǵa alyndy, 120tulǵalarǵa aıyppul salyndy, 127 tulǵa eskertý aldy), qalǵan ister qaralý satysynda.
Shymkent