Búgin Jambyl oblysynda koronavırýs ınfeksııasyn juqtyrýdyń taǵy da 9 jańa jaǵdaıy tirkeldi. Naýqastar 1975, 1963, 1977, 1958, 2015, 1957, 1991, 1992, 1971 jyldary týǵan Taraz qalasynyń turǵyndary bolyp shyqty. Olardyń ishinde úsh er adam, bes áıel jáne bir bala bar.
Jambyl oblysy ákimdiginiń málimetinshe, barlyq naýqastar osy ýaqytqa deıin aýyrǵandarmen úı oshaǵy boıynsha baılanysta bolǵan. 23 sáýir kúngi jaǵdaı boıynsha Jambyl oblysy aýmaǵynda koronavırýstyq ınfeksııanyń 88 jaǵdaıy tirkelgen. Onyń ishinde Taraz qalasynda 35 jaǵdaı, Baızaq aýdanynda 4, Jambyl aýdanynda 4, Qordaı aýdanynda 33, Merki aýdanynda 2, Moıynqum jáne Shý aýdanynda bir-bir adamnan anyqtalǵan. Sondaı-aq, «Delı – Taraz» reısinen 6 oqıǵa, Atyraý oblysyndaǵy teńizdegi vahtalyq kentinen kelgen qyzmetkerler arasynda 2 oqıǵa anyqtalǵan. Naýqastardyń ishinen 31 adam saýyǵyp, dárigerlerdiń baqylaýymen úı karantınine shyǵarylǵan.