Buǵan eshkimdi kinálaýǵa bolmaıtyn shyǵar, úıde 3 balany jalǵyz baǵyp otyrmyn. Taǵdyrdyń jazýy solaı boldy, dám-tuzymyz jaraspaı otaǵasymen ajyrastyq. Tuńǵyshym 4 jasta, kenjem 9 aılyq. Kóptiń qol-aıaǵyn baılap otyrǵan indet te bizge aýyr tııýde. Osyndaıda árbir kómek baǵaly, árbir jyly sóz kóńilge demeý.
Jasyratyny joq, balalaryma beriletin járdemaqyny bul kúnderi barlyq qajettilikke jetkizý qıyn. Al endi qaıyrymdy jandardyń qoldaýy bizge qajet-aq. Osyndaı qıyn sátte memleket tarapynan kórsetilip jatqan kómekti der kezinde berilgen jáne erteńge degen senimdi nyǵaıtqan qoldaý dep esepteımin. Ákimdik ókilderi ákelip tabys etken kepildendirilgen áleýmettik toptama búgingi qıyndyqty umyttyrǵandaı boldy. Bul úshin osyndaı qoldaýlar jóninde tapsyrma bergen Prezıdentke, ony buljytpaı oryndaǵan jergilikti basshylarǵa aıtar alǵysymyz sheksiz. Osyndaı kómekterdiń arqasynda qıyndyqtan da shyǵarmyz, úıden shyǵarmaǵan úreıli indetti jeńermiz.
Balalarymnyń amandyǵy qymbat jáne olarǵa qıyn sátte qolushyn bergen memlekettiń kómegine, qaıyrymdy jandarǵa alǵys aıtamyn.
Sevara ABDRASILOVA,
Túrkistan qalasynyń turǵyny