Karantın bastalǵaly beri respýblıka boıynsha onlaın rejımde 30 mln kórermenge deıin qamtıtyn 15 myń is-shara ótti. Bul týraly Mádenıet jáne sport mınıstri Aqtoty Raıymqulova Ortalyq kommýnıkasııalar qyzmetinde ótken onlaın brıfınge aıtty.
«Mádenıet jáne sport mınıstrligi men «Qazaqtelekom» AQ birlesip ázirlegen «Karantındegi juldyz» onlaın jobasyna kórermender tarapynan jaqsy pikirler aıtylyp jatyr. Joba iske qosylǵan sátten bastap qazaqstandyq óner juldyzdarynyń qatysýymen 15 mln kórermenge deıin qamtıtyn 30 onlaın konsert ótti», dedi Aqtoty Raıymqulova.
Sondaı-aq ol respýblıkalyq uıymdarmen qatar óńirlerdegi mádenıet mekemeleri de onlaın formattaǵy is-sharalar ótkizip jatqanyn atap ótti.
«Jalpy karantın bastalǵaly beri respýblıka boıynsha onlaın rejımde 15 myń is-shara ótkizilip, shamamen 30 mln kórermen bolǵan eken. Júrgizilgen taldaý barysynda bizdiń azamattarymyzdyń júzege asyrylyp jatqan ár túrli janrlyq jobalar men is-sharalarǵa qyzyǵýshylyq tanytatynyn baıqadyq. Máselen bir ǵana onlaın konsert 1 mln adamǵa deıin aýdıtorııany jınaıdy eken. Biz buǵan óte qýanyshtymyz. Ári qaraı da jumystarymyzdy jalǵastyramyz», dedi mınıstr.