Mýzeıler men mýzeı-qoryqtar qazaqstandyqtarǵa ózderiniń saıttarynda 3D formattaǵy ekskýrsııa, onlaın-serýen rejımi, sondaı-aq beınerolıkter, beıne ekskýrsııalar, onlaın dárister, beıne sabaqtar jáne taǵy basqa is-sharalar arqyly óz jerlerin kórsetý múmkindigin usyndy. Bul týraly Mádenıet jáne sport mınıstri Aqtoty Raıymqulova aıtty.
«Búgingi tańda Bozoq, Saraıshyq, Saýran jáne Otyrar qalashyqtary, sondaı-aq Berel jáne Esik qorǵandary sııaqty tarıhı-mádenı mura obektileri, mýzeıler men mýzeı-qoryqtar qazaqstandyqtarǵa ózderiniń saıttarynda 3D formattaǵy ekskýrsııa, onlaın-serýen rejımi, sondaı-aq beınerolıkter, beıne ekskýrsııalar, onlaın dárister, beıne sabaqtar jáne taǵy basqa is-sharalar arqyly óz jerlerin kórsetý múmkindigin usyndy. Máselen, mýzeı-qoryqtar qysqa ýaqyt aralyǵynda 100 myńnan astam adamdy qamtıtyn 150-den astam onlaın-shara ótkizdi», dedi Aqtoty Raıymqulova.
Osy rette ol Á. Qasteev atyndaǵy Memlekettik óner galereıasy ázirlegen estý qabileti buzylǵan azamattarǵa arnalǵan arnaıy beıne-ekskýrsııalardy atap ótti. Bul shara arqyly elimizdegi 18 myńnan astam estý qabileti buzylǵan adam beıne-ekskýrsııalardy tamashalaǵan.