«Qazaqstan temir joly» UK» AQ tótenshe jaǵdaı kezeńinde júk tasymaldarymen baılanysty aıyppuldar, alymdar men tólemderdi alyp tastaǵanyn habarlaıdy. Bul týraly «Atameken» Ulttyq kəsipkerler palatasynyń saıtynda jarııalandy.
Atap aıtqanda, shildeniń 1-ne deıin júk tasymaldaý jospary boıynsha tapsyrysty oryndamaýǵa arnalǵan aıyppul, 48 saǵattan astam ýaqyt turyp qalǵan júkti saqtaýǵa 10 ese mólsherdegi alym, vagondar men konteınerlerdi paıdalanýǵa arnalǵan tólem, sol sekildi manevrli lokomotıvtiń qozǵalysyna baılanysty alym salý toqtatyldy. Sondaı-aq «Temirjol kóligi týraly» QR Zańynyń 77-babynda kórsetilgen júk tasymaldaý jospary boıynsha tapsyrysty oryndamaý úshin aıyppul salý shekteledi. Bul oraıda Ulttyq palata aıyppuldarǵa ushyraǵan kásipkerlik sýbektileriniń ótinishi boıynsha QTJ basshylyǵymen birneshe kelissózder júrgizdi. Tutastaı alǵanda, júk jóneltýshiler 500 mln teńge mólsherindegi aıyppuldar men tólemderden bosatylady.