Bul týraly qoǵamdyq kommýnıkasııa ortalyǵynda ótken brıfıngte Mańǵystaý oblysy ákiminiń birinshi orynbasary Álıhan Qyraýbaev málimdedi.
Mańǵystaý oblysynda jumyspen qamtýǵa járdemdesýdiń keshendi jospary ázirlendi. Keshendi jospar sheńberinde jumyspen qamtýǵa járdemdesý sharalarymen 19 myńǵa jýyq adam qamtylady dep kútilýde. Onyń 8 myńnan astamy – turaqty jumys oryndarymen. Sonymen qatar qysqa merzimdi kásibı kýrstardy bitirgen 840 adam jumyspen qamtylady, 624 azamat úshin shaǵyn nesıe qarastyrylǵan, 635 adam jańa bıznes-ıdeıalardy iske asyrý úshin memlekettik granttarmen qamtamasyz etiledi, 376 adam jastar tájirıbesine jiberiletin bolady.
Mańǵystaý oblysy ákimi birinshi orynbasarynyń aıtýynsha, keshendi jospardy iske asyrý bastalyp ketti jáne nıet bildirýshiler jergilikti jumyspen qamtý ortalyqtary men bólimderine habarlasa alady.
Mańǵystaý oblysy