О́nerli órenderdi jıǵan «EL Jastar»

Teatr trýppasy ashylǵanyna kóp ótpeı jatyp Aqtóbe qala­synyń 80-jyldyǵyna arnalǵan «Balaýsa» halyqaralyq festı­valinde baq synady. Báıge­ge qa­tysyp qana qoımaı, qala áki­miniń syılyǵy men festı­val­diń arnaıy nomınasııasyn jeńip ákeldi. Shyǵarmashylyq únemi jetilip otyrýdy talap etetinin jaqsy biletin ónerpazdar fes­tıvaldegi jetistikke mar­qa­ıyp qalmaı, basqa da súbeli dú­­­nıe­lerdi sahnalaýdy qolǵa aldy. Osy oraıda búgingi kúnniń ma­ńyzdy máselesi – balalardyń elektrondy gadjetke shekten tys táýeldilikke ushyraýyn problema etip kótergen «Asqar men asyq» atty ertegini kórermen nazaryna usyndy.

Teatr trýppasynyń negizgi quramy Aqan seri atyndaǵy Jo­ǵary mádenıet kolledjiniń stý­dentterinen jasaqtalǵan. Ujym­daǵy kolledj stýdentteri oqý bitirgen soń iri qalalardaǵy bilim ordalaryna oqýǵa tústi. Birazy ár óńirdegi teatrlarǵa ju­mysqa ornalasty. «EL Jastar» teatrynyń jastary óz joldaryn taýyp, óner jolyndaǵy bıik maqsat, asqaq armanǵa qol soz­ǵany qýantady.

Teatrdyń art-dırektory Hákim Hasanbaı men kórkemdik jetekshisi Farhadbek Kanafın namysqa tyrysyp, bıylǵy oqý jyly bastalysymen taǵy da sol kolledj stýdentterinen irik­tep, jańa trýppa qurdy. Aǵym­daǵy jyl «Abaı jyly» dep belgilenýine baılanysty hakim shyǵarmashylyǵyn nasıhattaý maqsatynda performans janryn­daǵy «Jastyqtyń oty, qaıda­syń?!» atty spektakl daıyn­dady. Kókshetaýdaǵy «Abaı jy­ly» aqpan aıynyń ba­synda osy qoıylymmen ashyl­ǵanyn atap ótken lázim.

Bul qoıylymǵa úsh aı ýaqytyn sarp etken eki mamannyń eńbegi zor. Osyndaı kezde Joǵary má­denıet kolledjiniń dırektory Quralaı Ǵazızqyzy qolushyn berip, qoldaý tanytqan. О́nerdi tereń túsinetin ol kolledj qa­byr­ǵasynda oqıtyn talantty jastardyń uıymdasyp, úlken iske bilek sybana kiriskenin kór­gen soń, olardyń alańsyz daıyndalýyna jaǵdaı jasa­dy. Sahna, kos­tıým syndy teatr­dyń buljymas bólshekteri, ba­letmeıs­ter, dybys, jaryq ope­ratory syndy san qyr­ly mamandar da kolledj stýdent­teriniń arasynan tabyla ketti. Premeraǵa kelgen el aǵalary jas­tardyń ónerge degen mahabbatyn kórip, alǵysyn aıtyp, batasyn berdi. Eńbektiń jan­ǵany degen osy emes pe! Al Kók­shetaýdaǵy Janaıdar Mý­sın atyndaǵy joǵary qazaq pe­dagogıkalyq kolledjiniń d­ı­rek­­­­tory Nurtas Ahatuly 250 myń teńge kóleminde, Qura­laı Ydy­­rysova 180 myń teńge kó­­le­minde sertıfıkat tabys­ta­ǵan. Bul ja­na­shyrlyqtan týǵan qoldaý.

«EL Jastar» teatry uly Abaı­ǵa arnalǵan osy qoıylymmen oblystaǵy aýdandar men qala­lardy aralap shyǵýdy josparlap otyr. Sondaı-aq respýblıkanyń ózge óńirlerinde ótetin teatr fes­tıvalderine qatyspaq. Bıylǵy jyldan kúteri kóp talantty jas­tardyń óneri óristep, jigeri ja­lyndaı tússin deımiz.