Elordada 80 myńǵa jýyq adam jumysqa shyqty

Tıisti talap boıynsha ju­mys berýshi mekemeler óz qyz­met­kerleri úshin arnaıy kólik uıym­dastyryp, jeke qorǵanysh qu­ral­darymen qamtamasyz etýge tıis. Nur-Sultan qalasy áki­mi­niń orynbasary Baqtııar Máke­n­niń aıtýynsha, ákimdik elorda­daǵy mekemelermen jáne ká­siporyndarmen sanıtarlyq ta­lap­tardy oryndaý týraly ke­li­sim­shartqa qol qoıǵan.

– 20 sáýirden bastap  sanı­tarlyq talaptardy oryn­da­ma­ǵan 15 nysan jumysyn toq­tat­ty. Oǵan qorǵanysh qu­ral­da­rynyń joqtyǵy, qyzmet­ker­­ler úsh­in kólik tasymalyn uıymdastyrmaǵany sebep boldy. Sonymen qatar de­zın­feksııa sharalary da júrgizilmegen, –  dedi ol.

Karantın áli alyn­ba­ǵan­dyq­tan, qaladaǵy kóptegen saıa­baq­tar, alańdar men adamdar kóp jınalatyn oryndardyń barlyǵy jabyq.  Polısııa de­par­tamenti men eriktiler arna­ıy reıdter júrgizýde. Olar kóshelerdi, nysandardy, ǵıma­rattardy aralap júrip tek­seredi.

Elordada 9 sáýirden bastap ekspress testileý jumystary bastalyp, osyǵan deıin 12 752 azamat tapsyryp úlgerdi. Budan basqa taǵy 41 myń ekspress test kvota boıynsha ar­naıy medı­sına, polısııa, Ult­tyq ulan qyzmetkerleri, áske­rıler, qala­daǵy ómirdi  qam­tamasyz etý júıesi men kom­mýnaldyq qyz­met­ter­diń jumysshylaryna be­­rildi. Mundaı is-shara­lar ko­ro­na­vırýsty tez arada anyq­tap, der kezinde medı­sı­nalyq kómek berýge múmkindik bermek.

– Astanadaǵy №2 qalalyq aýrýhana qazir táýlik boıy jumys isteıdi. Emhanada jedel respıratorly vırýstyq ınfeksııa belgileri bar naýqastardy qabyldaıtyn observasııalyq klınıka ashylyp, zerthanalyq zertteýler júrgiziledi. Bul vı­rýs­tyq ınfeksııa belgilerin tıim­di jáne jyldam anyqtaýǵa múm­kindik berip otyr, – deıdi qala ákiminiń orynbasary.

Ol Memleket basshysynyń tapsyrmasy boıynsha tótenshe jaǵdaı kezinde kiristerdiń jo­ǵa­lýyna baılanysty azamat­tar­­ǵa áleýmettik kómek kórsetý ju­­mystarynyń jalǵasyp jat­qanyn aıtty. 24 sáýirdegi jaǵdaı boıynsha, 243,5 myńnan astam azamat 42,5 myń teńge kóleminde áleýmettik kómek alǵan. Barlyǵy 594,5 myńnan astam adam áleýmettik tólem alýǵa ótinish berdi. Halyqtyń álsiz toptaryna áleýmettik kómek kórsetý aıasynda Nur-Sultannyń 30,3 myńnan astam turǵyny azyq-túlik jáne turmystyq jıyntyqtar satyp alý úshin qosymsha tólemder aldy.

Qalalyq jedel shtab karantın kezinde jumys isteı­tin kásiporyndardyń naqty algorıtmin bekitkenin aıta keteıik. Atalǵan shara jumys­shy­lardyń qaýipsizdigin qam­tamasyz etýge jáne korona­vı­rýs ınfeksııasynyń ta­ral­ýynyń aldyn alýǵa baǵyt­tal­ǵan. О́nerkásiptik jáne ındýstrııalyq kásiporyndar, qurylys kompanııalary, iri qurylys dúkenderi, aýyl­shar­ýa­shylyq salasynda jumys isteıtin uıymdar men jeke kásip­kerler,  logıstıka sala­syn­daǵy kompanııalar, avto­sa­­londar, avtobólshekter dú­ken­deri men TQS, azyq-túlik dúkenderi, hımııalyq tazalaý jáne jýý, keńse tehnıkasyn jóndeý qyzmetin kórsetetin mekemelerdiń jumys rejimi boıynsha naqty algorıtmi bar basshysy jaýap beredi.