Qazaq ejelden atyn atamaıtyn aty jaman aýrý bizdiń elge kelgenine de bir aıdan asty. Basynda qarapaıym halyq onsha qabyldaı qoımaǵanymen, álemde bolyp jatqan jaǵdaılardy kórip, sabaq aldy.
Memleket basshysynyń tapsyrmasymen ýaqytynda aldyn alý sharalary jasalyp, Almaty, Nur-Sultan sııaqty iri qalalardy jaýyp, jumys birjola toqtady. Men qurylysta jumys isteımin. Bizdiń de jumys ýaqytsha toqtady. Aılyq páteraqy men kúndelikti azyq-túlikti basynda ýaıymdaǵan edik, keıin az da bolsa kómek retinde berilgen 42500 teńgeni alyp, kóńilimiz ornyqty. Barǵa sabyr, joqqa shúkir ete otyryp, biz osy qıyndyqty jurt bolyp jumylyp, el bolyp birge eńsererimizge senemin!
Memleket basshysy Qasym-Jomart Toqaev keshegi málimdemesinde «Úkimet kelesi aıda da tabysynan aıyrylǵan azamattarǵa 42500 teńge kóleminde kómek beredi. Qaıtadan ótinim jiberýdiń qajeti joq. Tólem buryn usynylǵan qujat boıynsha júzege asyrylady» degenin oqyp qýanyp qaldym. Osyndaı qıyn-qystaý kezeńde bir jeńnen qol, bir jaǵadan bas shyǵaryp birligimiz men azamattyǵymyzdy tanytýymyz kerek.
Osy oraıda tabysynan aıyrylǵan azamattarǵa qolushyn berip járdemdesken Prezıdent Qasym-Jomart Kemelulyna alǵys aıtqym keledi. Álemdi sharpyǵan indet irgemizden joǵalyp, jaıma-shýaq kúnge tezirek jetsek eken dep tileımin.
Qurmet TО́KEIULY,
qurylysshy
Nur-Sultan