Memleket basshysynyń tapsyrmasy boıynsha halyqty tótenshe jaǵdaı kezinde, sondaı-aq osy kezeńnen keıin jumyspen qamtamasyz etý úshin Jumyspen qamtýdyń jol kartasy ázirlendi jáne bekitildi. Qabyldanǵan Jol kartasynyń negizgi maqsattary jumyspen qamtýdy qamtamasyz etý jáne jumyssyzdyqtyń ósýine jol bermeý, qosymsha jumys oryndaryn qurý jáne halyqta tabystyń bolýyn qamtamasyz etý, eldi mekenderdiń ınfraqurylymdyq damýy úshin jaǵdaılar jasaý.
Jol kartasyn júzege asyrýǵa Mańǵystaý oblysy úshin 34 mlrd. teńge qarastyrylǵan. Bul týraly qoǵamdyq kommýnıkasııalar ortalyǵynda ótken brıfıngte Mańǵystaý oblysy ákiminiń orynbasary Á.Qyraýbaev baıandady.
Oblys ákimi orynbasarynyń aıtýynsha, barlyǵy 144 joba iske asyrylatyn bolady, olar 8 911 jańa jumys ornyn, onyń ishinde 400-den astam turaqty jumys ornyn qurýǵa múmkindik beredi.
- Jumyspen qamtýdyń jol kartasy kelesi baǵyttar boıynsha ınfraqurylymdyq jobalardy iske asyrýdy kózdeıdi: - birinshi áleýmettik-mádenı nysandar: barlyǵy 63 joba, 2 829 jumys ornyn qurýmen, onyń ishinde halyqty jumyspen qamtý ortalyqtary arqyly osy jumys oryndaryna 1387 adam jumysqa ornalasady. Ekinshi baǵyt - turǵyn úı-kommýnaldyq sharýashylyq nysandary: 37 joba, 2 829 jumys ornyn qurýmen, onyń ishinde jumyspen qamtý ortalyqtary arqyly osy jumys oryndaryna 1 414 adam jumysqa ornalasady. Úshinshi baǵyt - Injenerlik-kóliktik ınfraqurylym nysandary: barlyǵy 30 joba, 1 382 jumys ornyn qurýmen, onyń ishinde jumyspen qamtý ortalyqtary arqyly osy jumys oryndaryna 792 adam jumysqa ornalasady. Al eldi mekenderdi abattandyrý boıynsha 13 joba, 1 455 jumys ornyn qurýmen, sonyń ishinde jumyspen qamtý ortalyqtarynan 753 adam jumysqa ornalasady. Jol kartasy sheńberindegi jobalarǵa qatysý úshin azamattar turǵylyqty jeri boıynsha halyqty jumyspen qamtý ortalyqtaryna júginý qajet. Jumyspen qamtý jol kartasy aıasynda búgingi kúni merdigerdi anyqtaý boıynsha tıisti konkýrstyq rásimder júrgizilýde. Merdigerlerdiń basym bóligi osy aıdyń sońyna deıin anyqtalatyn bolady, dedi Á.Qyraýbaev.
Bul rette, merdigerlermen sharttar jasasý kezinde jobany iske asyrý barysynda qyzmetkerlerdiń keminde 50% - y jumyspen qamtý ortalyqtarynan tartylýy tıis.Bul rette olardyń jalaqysy 150 myń teńgeden kem bolmaýy, taýarlardyń, jumystar men kórsetiletin qyzmetterdiń keminde 90% jergilikti taýar óndirýshilerden satyp alynýy syndy birqatar prınsıptik talaptar qoıylady.
- Barlyq osy talaptar oryndalýy tıis. Jergilikti jerlerdegi ákimder muny baqylaıtyn bolady, dedi ol.
Mańǵystaý oblysy