Indet jaǵadan alǵanda...

Qysyltaıań kezeńde qyzmet babyn asyra paıdalanyp, qymqyryp qalýdan qymsynbaıtyndar az emes eken. Oǵan Sybaılas jemqorlyqqa qarsy is-qımyl agenttiginiń keıingi faktileri aıǵaq bolyp tur. Atap aıtsaq, agenttiktiń Soltústik Qazaqstan oblysy boıynsha departamenti Polısııa departamentiniń Ishki qaýipsizdik bas­qar­masymen birlesken is-sharalar ba­rysynda polısııanyń aýdandyq bólimi basshysynyń birinshi orynba­sa­ryn ustady. Ol tótenshe jaǵdaı kezinde belgilengen tyıymdarǵa qara­mas­tan, azamattardyń aýdan aýma­ǵyn­da kedergisiz júrýi úshin 1 mln 300 myń teńge kóleminde para aldy degen kúdikke ilindi.

Sybaılas jemqorlyqqa qarsy qyz­met paraqorlyq, laýazymdyq óki­­lettikterdi asyra paıdalaný, jez­­ókshe­likpen aınalysý jáne jeń­ge­­­taılyq jelilerin ustaý nemese uı­ymdastyrý, adam ómirine, den­saý­l­yǵyna qaýip tóndiretin mán-jaı­lar týraly aqparatty jasyrý boıynsha tergeý júrgizip jatyr. Bul týraly habardar bolǵan qala­nyń tıisti qyzmetteri 87 adamdy oq­shaý­lady. Sonyń ishinde jezók­she­lik­pen aınalysýǵa arnalǵan oryndar áshkere bolyp, eki shetel azamatynan koronavırýs ınfeksııasy anyqtaldy.

Karantınniń qatań saqtalýyn qada­ǵa­laıtyndardyń qarabet bol­ǵan oqıǵasy basqa óńirlerde de kezde­sip jatyr. Soltústik Qazaqstan obly­syn­da­ǵy sybaılas jemqorlyqqa qarsy qyzmet Petropavl qalasy ákimdiginiń laýazymdy tulǵasyna qatysty sotqa deıingi tergeýdi bastady. Kúdikti aza­mat keıbir kólik quraldarynyń Pet­ro­pavl qalasyndaǵy tosqaýyl beket­terden kidirissiz ótýine ruqsat berip, 50 myń teńge alǵan. Ol ári Sovid-19 indetiniń taralýyn boldyrmaý jónindegi oblys ákimdigi jedel shtabynyń múshesi eken.

Osylaı abyroısyz aty shyq­qan­nyń biri Shymkent qalasy Polısııa departamentiniń jol-patrýldik polısııa polki qyzmetkeri boldy. Ol karantın rejimin saqtamaǵan áldekimdi Jangeldın kóshesi boıyndaǵy ishki tosqaýyl beketinen ótkizgeni úshin 25 myń teńge para alǵan. Bul qyz­met­ker­ge qatysty Shymkenttegi departament qylmystyq is tergep jatyr.

Buǵan qosa Túrkistan oblysy bo­ıyn­sha departament Shymkent qa­lasy Qarataý aýdany Polısııa bas­qar­­masynyń ýchaskelik ınspektoryn sotqa deıingi tergeýdi bastady. Jazyqty polıseı «Taskeshý» tosqa­ýyl beketi arqyly kirip-shyǵýy úshin Túrkistan oblysy turǵyndarynan 15 myń teńgeden para alǵan.

Sonymen qatar tótenshe jaǵdaı kezinde basqa da sybaılas jemqorlyq faktileri tirkelip jatyr. Onyń kóbi túrli amal-sharǵymen bıýdjet qarajatyn jymqyryp qalǵandarǵa qatysty bolyp tur. Mysaly, Qostanaı oblysynyń Altynsarın aýdany ákiminiń orynbasary qyzmet babyn asyra paıdalanyp, ózine baǵynyshty qyzmetkerlerdi aýyl ishindegi joldardy qardan tazartý jumystaryn júr­gizýge jáne kommersııalyq uıymmen mem­lekettik satyp alýlar týraly jal­ǵan kelisimshart jasasýǵa máj­búr­legen.

Atalǵan oblysta jolda tár­tip buzǵan adamnan ákimshilik jaýap­ker­shilikke tartpaǵany úshin 20 myń teńge dámetken aýdandyq Polısııa bóliminiń jol-kólik ınspektoryna qatysty da jemqorlyq qylmysy tirkeldi.

Almaty oblysynda jem­qor­lyq­pen shatylǵan birneshe laýazymdy tulǵa anyqtaldy. Talǵar aýdany Besqaınar aýyldyq okrýginiń ákimi «Ile-Alataý memlekettik ult­tyq tabıǵı parki» RMM jerinen ýchas­keni zańsyz bólip berýge septesse, osy aýdannyń Panfılov aýyl­dyq okrýginiń burynǵy ákimi 2017 jyly kafe jáne meıramhana salý arqyly atalǵan aýyldyq okrýgte jer ýchaskelerin zańsyz satý nátıjesinde alynǵan qarajatty zańdastyrǵan.

«Eńbekshiqazaq jumyspen qamtý ortalyǵy» QMK basshysy nátıjeli jumyspen qamtýdyń jáne jappaı kásipkerlikti damytýdyń 2017-2021 jyldarǵa arnalǵan «Eńbek» memle­ket­tik baǵdarlamasy aıasynda 2018-2019 jyldary jumyssyz azamattardy jalǵan jumysqa turǵyzýy úshin sharýa qojalyqtarynyń shotyna aýdarý arqyly bıýdjet qarajatynan 12,9 mln teńgeni jymqyrǵan.

Bul atalǵan faktiler boıynsha Sybaılas jemqorlyqqa qarsy is-qımyl agenttiginiń Almaty oblysy boıynsha departamenti sotqa deıingi tergeý júrgizip jatyr.

Sondaı-aq Almaty qalasynda Qytaı azamatyna qatysty qyl­mys­tyq qýdalaýdy toqtatý syltaýy­men 10 myń dollar alǵan Jedel áre­ket etý arnaıy otrıadynyń aǵa ıns­pektory, Shymkent qalasynda mal dárigeriniń deldaldyǵy arqyly tamaq ónimderin satýmen aınalysatyn jeke kásipkerlerden 10 myń teńgege deıin para alǵan memlekettik veterınarııalyq-sanıtarııalyq ıns­pektory, Batys Qazaqstan oblysynda ańshylyq myltyqty alyp júrýge jáne saqtaýǵa ruqsatty jedeldetip bergeni úshin 70 myń teńge alǵan Oral qalasynyń Polısııa basqarmasy qyzmetkeri jáne Qaraǵandy oblysynda taraptardyń tatýlasýy úshin kú­diktiniń múddesine qylmystyq isti zań­syz toqtatpaq bolǵan Osakarov aýdandyq polısııa bóliminiń tergeý­shi­si ustaldy.

Indet kúsheıip, shekteýler she­gi­ne shyqqan shaqta halyqtyń qaýip­siz­­digi úshin aldyńǵy shepte qyzmet etip júrgenderdiń abyroıyna osyn­daı barmaq basty, kóz qysty áre­ket­ter syzat túseredi. Qazaqstan Res­pýb­lıkasy Qylmystyq kodeksiniń 54-baby 11-tarmaǵynyń 1-bóligine sáıkes, tótenshe jaǵdaı kezinde qyl­mys­tyq quqyq buzýshylyq jasaý qylmystyq jaýapkershilik pen jazany aýyrlatatyn mán-jaı dep tanylady.