Qutqarýshylar mal izdeýge shyǵyp, habar-osharsyz ketken Jantaqsaı aýylynyń turǵyndaryn aman-esen qutqardy. Bul týraly IIM-niń baspasóz qyzmeti habarlady.
Tańerteń 1975 jyly týǵan er adam 2001 jáne 2005 jyly týǵan eki ulymen mal izdeýge ketip, sý basqan aýmaqta joǵalǵan. Bul týraly aýyl turǵyndaryn evakýasııalaý kezinde joǵalyp ketkenderdiń týysy habarlady.
Qutqarýshylar tez arada motorly qaıyqpen atalǵan turǵyndardy izdeýge kiristi. Eki saǵat izdeýden keıin olardy О́zbekstanmen shekaralas aýmaqtan taýyp, aýylǵa aman-esen jetkizdi.
Qutqarylǵan adamdar kórsetken kómekteri úshin shyn júrekten alǵys aıtyp, aman-saý ekenin jetkizdi.