Almatyda qonaqúı keshenderin, qoǵamdyq tamaqtandyrý jáne dinı ǵımarattarynyń nysandaryn 25 mamyrdan bastap, kezeń-kezeńmen iske qosý josparlanyp otyr.
Almaty qalasyndaǵy qoǵamdyq tamaqtandyrý, ǵıbadat etý jáne qonaq úı keshenderiniń nysandaryna qoıylǵan shekteý sharalary, qaladaǵy epıdemıologııalyq jaǵdaıǵa baılanysty, kezeń-kezeńmen alynatyn bolady.
Atap aıtqanda, qoǵamdyq tamaqtandyrý jáne qonaq úı keshenderiniń nysandaryn iske qosýdyń daıyndyq jumystarynyń sheńberinde, megapolıstiń bıznes-qoǵamdastyǵymen birlesip, atalǵan sektorlardyń uıymdaryn sanıtarııalyq-epıdemıologııalyq talaptar saqtalǵan jaǵdaıda, aǵymdaǵy jylǵy 25 mamyrdan bastap, kezeń-kezeńmen iske qosý máselesi talqylanýda.
Sondaı-aq, búgingi kúni Almatyda táýekel toptaryn jappaı testileý jáne ınfeksııanyń jasyryn oshaqtaryn anyqtaý boıynsha jumystarynyń jalǵasyp jatqanyn nazarǵa ala otyryp, qalanyń dinı ǵımarattaryna (meshitter, shirkeýler, ǵıbadathanalar, sınagogalar jáne t.b.) barý úshin shekteýdi 18 mamyrdan bastap alýǵa áli erte.
Almaty qalasyndaǵy ǵıbadat etý oryndarynyń qyzmetin qaıta jalǵastyrý jáne qalalyqtardyń olarǵa barýyna shekteýdi sanıtarııalyq-epıdemıologııalyq talaptar saqtalǵan jaǵdaıda, 2020 jylǵy 25 mamyrdan bastap kezeń kezeńmen alyp tastaý josparlanyp otyr.
Barlyq iske qosylatyn nysandar jańa usynymdarǵa: áleýmettik qashyqtyq, jumys oryndaryndaǵy qatań sanıtarııalyq rejım jáne t.b. sáıkes jumys isteýge mindetti. Bul rette, jumys oryndaryna tikeleı qajetti jumysshylar sanyn atalǵan uıymdardyń basshylary ózderi belgileıtin bolady.