Mańǵystaý oblysynyń kásipkerler palatasyna jeke kásipker N.Jıenbaevtan shaǵym túsedi. Ol Munaıly aýdany, Atameken aýyldyq okrýginde ornalasqan kásipkerlik maqsattaǵy jer ýchaskelerin ıgerip, qurylys jumystaryn bastaý úshin sáýlet josparlaý tapsyrmasyn alý kezinde aýdandyq sáýlet jáne qala qurylysy bólimi mamandary jer telimderiniń bas josparǵa sáıkes kelmeýine baılanysty bas tartylǵanyn málimdegen. Bul týraly Mańǵystaý oblysynyń kásipkerler palatasy baspasóz qyzmeti habarlady.
Osy jer ýchaskeleri alǵashqyda 2014 jyly tabystalyp, ony kásipker 2016 jyly satyp alǵanyna qaramastan, 2015 jyly Atameken aýyldyq okrýginiń bekitilgen bas josparyn ázirleý kezinde, kásipkerdiń jer ýchaskeleri eskerýsiz, jobaǵa enbeı qalǵan.
Atalǵan máseleni jan-jaqty qarap, oń sheshimin tabý maqsatynda, óńirlik kásipkerler palatasy oblystyq qurylys, sáýlet jáne qala qurylysy basqarmasyna jáne Munaıly aýdanynyń ákimine hat joldap, sondaı-aq, Munaıly aýdandyq sáýlet jáne qala qurylysy bóliminiń ókilderimen jumys kezdesýlerin ótkizip, kelissózder júrgizdi.
Nátıjesinde iskerdiń kásipkerlik maqsattaǵy jer ýchaskeleriniń sáýlet josparlaý tapsyrmasy berildi.
Osylaısha, MO kásipkerlerdiń quqyǵyn qorǵaý jáne ákimshilik kedergilerdi tómendetý bóliminiń tikeleı aralasýymen kásipkerdiń múddesi zańdy túrde tolyq qorǵaldy.
Taǵy bir kásipkerdiń quqyǵy tárkilengen betperdelerdi keri qaıtarý -barysynda qorǵaldy. «Araı Farm Aktaý» JShS dırektory T.Isataeva Aqtaý qalasynda ornalasqan dárihanasyna Mańǵystaý oblysy boıynsha ekonomıkalyq tergeý Depratamentiniń ókilderi kelip, medısınalyq betperdelerdiń baǵasy qymbat satylǵanyn negizge alyp, bir myń dana betperdeni tárkilegenin aıtyp, Mańǵystaý oblysynynyń kásipkerler palatasynan kómek surady.
-Atalǵan máseleni jan-jaqty qarap, kásipkerden tárkilengen berperdelerdi qaıtaryp berý maqsatynda kásipkerler palatasy oblystyq prokýratýraǵa hat joldady jáne Departament ókilderimen qyzmettik kezdesýler uıymdastyryp, kelissózder júrgizdi.
Sóıtip kásipkerler palatasynyń kásipkerlerdiń quqyǵyn qorǵaý jáne ákimshilik kedergilerdi tómendetý bóliminiń tikeleı aralasýymen kásipkerden tárkilengen 1000 dana betperde kásipkerge qaıtarylyp, múddesi zańdy túrde tolyq qorǵaldy, deıdi MO kásipkerler palatasy dırektorynyń orynbasary B. Qalıev.