Oblysta polıseılerdiń kómekshisi sanalatyn qyzmettik 47 ıt bar. Onyń 26-sy Kókshetaýda. Al shalǵaıdaǵy Esil aýdanynda osyndaı qyzmettik 2 ıt qylmystyń izin ashýda pogon taqqandardyń senimdi serigine aınalǵan.
Artem Karavaev aýdandyq krımınaldyq polısııa bóliminiń kishi jedel ýákili, kınolog maman. Al, myna nemis tóbeti Graf. Ol Artemniń aınymas dosy. Búginge deıin ekeýi 5 qylmysty anyqtaǵan.
– Qyzmettik ıtpen jumys istegenimizge bir jyl boldy. Osydan eki jyl buryn ony Qostanaıdan ákelingen kúshik edi. Bir jyldaı Kókshetaýdaǵy kınologııalyq ortalyqta, keıin Almatyda arnaıy daıyndyq ótti,–deıdi aýdandyq krımınaldyq polısııa bóliminiń kishi jedel ýákili Artem Karavaev.
On kún buryn Graf Esil qalasy turǵynynyń aqshasyn urlaǵan adamdy ilezde tapty. Jyl basynan beri Aqmola oblysynda osyndaı qyzmettik ıtterdiń kómegimen 350 qylmys anyqtalǵan. Onyń 200-ge jýyǵy urlyqqa qatysty bolǵan.