Nur-Sultan qalasynyń ákimi Altaı Kólginov blok-beketterdegi jumys barysynyń jeńildetilgenin málimdedi, - dep habarlaıdy elorda ákimdiginiń resmı saıty.
«Jabdyqtaý jáne qamtamasyz etý qyzmeti. Blok-beketterde áskerı qyzmetshilerden bólek áskerı mindettiler de, polıseıler men volonterler de jumys istep jatyr. TJ kezinde barlyǵy 150 adam jumyldyryldy», – dedi qala ákimi.
Ol sóz arasynda koronavırýspen kúreste sıfrlandyrý júıesiniń kómegi tıgenin aıryqsha atap ótti. Qazir elektrondy qyzmet aıtarlyqtaı jaqsarǵan.
«HQO-lar onlaın qyzmetin arttyrdy. Sol sııaqty ákimdikte de sıfrlandyrý jumystaryn kúndelikti arttyryp jatyrmyz. О́z kezeginde bizge «Sergek» júıesi de aıtarlyqtaı kómektesti. Polıseılerdiń qolynda arnaıy planshetteri bar. Blok-beketterdegi ótkizý júıesi máseleni uzaqqa sozbaı, keptelis týdyrmaı jyldam sheshýge kómektesýde. Sonymen qatar, E-Karantın aqparattyq júıesi ázirlendi. Onyń negizgi maqsaty – sanıtarlyq-epıdemıologııalyq jaǵdaıdy baqylaý», – deıdi Altaı Kólginov.
Sondaı-aq ol TJ rejımin saqtaý úshin qansha adam jumyldyrylǵanyn málimdedi.
«Tótenshe jaǵdaı rejımin saqtaý úshin Qarýly Kúshtiń jeke quramynan myńnan asa adam, Polısııa departamenti men Ulttyq gvardııanyń jeke quramynan bas-aıaǵy 3 myń qyzmetker jumyldyryldy», – dedi qala ákimi.