Memleket basshysy Qasym-Jomart Toqaev Ulttyq qoǵamdyq senim keńesiniń onlaın otyrysynda koronavırýs indetiniń jumys tártibine eleýli ózgeris engizgenin aıtty.
«Qurmetti ulttyq keńes músheleri, biz búgin erekshe jaǵdaıda kezdesip otyrmyz. Koronavırýs indeti jumys tártibimizge eleýli ózgeris engizdi. Qazirgi tańda elimiz pandemııanyń sharyqtaý sheginen ótti. Biraq indetpen kúres áli aıaqtalǵan joq. Bul indet óte qaýipti batpandap kiredi, mysqaldap shyǵady. Koronavırýs qazirgi álemniń qundylyqtaryn aıtarlyqtaı ózgertti. Densaýlyq saqtaý júıesiniń ózin-ózi qamtýdyń, yntymaqtasý men jaýapkershiliktiń mańyzy arta tústi. Soǵan sáıkes memleket qyzmetinde jáne qoǵamdyq ómirdiń barlyq salasynda túbegeıli ózgerister bolmaq. Pandemııa bizdiń elimiz úshin de úlken synaq bolyp otyr. Qazaqstan halqy eshqashan qıyndyqqa moıyǵan emes. Bul joly da birligimizdiń bekem ekenin kórsettik. Biz yrys pen yntymaqtyń arqasynda kez-kelgen synaqty abyroımen eńseremiz dep senemin», - dedi Memleket basshysy.
Aıta keteıik, Memleket basshysynyń tóraǵalyǵymen Ulttyq qoǵamdyq senim keńesiniń úshinshi otyrysy ótip jatyr.