Qyzylorda oblysyndaǵy Qazaly aýdany ortalyǵy Áıteke bı kentinde bıyl Janqoja batyr, M.Ǵabdýllın, Q.Sátbaev, R.Baǵlanova kóshelerine qaıta jańǵyrtý, Á.Tynybaev, Jeltoqsan, Tóle bı, T.Áýbákirov, S.Seıfýllın, J.Sherıpov, J.Aqbaev, Á.Moldaǵulova, N.Jálimbetov, Syrym batyr, Birjan sal, B.Nurpeıisov kóshelerine ortasha jóndeý jumystary júrgiziledi.
Qazir jergilikti «Qazaly Jolshy» JShS jumysshylary Janqoja batyr kóshesin jóndeýge kiristi. Ol úshin aýdandyq bıýdjetten 102,2 mln teńge qarjy bólingen. Jolshylar osy kúni kósheniń buzylǵan ýchaskelerindegi asfalt qabatyn qyryp jatyr. Munan soń qıyrshyq tas pen gravıli qum qospasy aralasqan materıal tósep, 2 qabatty asfalt salýdy bastaıdy.
Aýdanda jol jóndeý máselesi kún tártibinen túsken emes. Máselen ótken jyly Áıteke bı kentinde Jalańtós batyr, S.Súleımenov, Jetes bı, Maǵzaman áýlıe jáne J.Aımaýytov sııaqty 5 kóshe jóndeýden ótti.