Koronavırýstyń taralýyna jol bermeý jónindegi vedomstvoaralyq komıtet Soltústik Qazaqstan oblysynda taǵy 2 adamnyń indet juqtyrǵanyn habarlady.
Vırýsty juqtyrǵan 1988 jyly týǵan er adam. 27 mamyr kúni Omby qalasynan M. Jumabaev aýdanynyń «Qaraqoǵa» beketine kelgen. Júk tasymaldaýshy bolyp jumys isteıdi. Onymen baılanysta bolǵan adamdar anyqtalyp jatyr.
Ekinshi adam 1979 jyly týǵan er adam, 27 mamyrda Mamlıýt aýdanynyń «Jańajol» beketine RF Ekaterınbýrg qalasynan keldi, dánekerleýshi bolyp jumys isteıdi.
Kelgen soń COVID-19-ǵa tekserilip, Mamlıýtka qalasynyń karantındik stasıonaryna ornalastyryldy.
Zerthanalyq zertteý vırýsty juqtyrǵanyn kórsetken soń «Birinshi qalalyq aýrýhana» ShJQ KMK juqpaly aýrýlar bólimine jatqyzyldy. Klınıkalyq belgileri joq, densaýlyqqa shaǵymy joq. Bekitilgen hattamaǵa sáıkes emdelip jatyr.
Onymen jaqyn qarym-qatynasta bolǵan 1 adam anyqtaldy. Qazirgi ýaqytta nátıje alǵanǵa deıin ol adam karantındik stasıonarda bolady. Epıdemıologııalyq tekserý qolǵa alynǵan.
О́tken táýliktegi jaǵdaı boıynsha SQO aýmaǵynda COVID-19 vırýsyn juqtyrǵan 51 adam tirkelgen.