Koronavırýstyń taralýyna jol bermeý jónindegi vedomstvoaralyq komıtet Shyǵys Qazaqstan oblysynda taǵy 1 adamnyń koronavırýs ınfeksııasyn juqtyrǵanyn habarlady.
Semeı qalasynda 1988 jyly týǵan áıel adamnan PTR dıagnostıkalyq zertteý nátıjeleri boıynsha COVID-19 vırýsy tabyldy.
Semeılik naýqas buǵan deıin koronavırýs ınfeksııasyn juqtyrǵan adammen qarym-qatynasta bolǵan tulǵa retinde tekserildi.
Onymen baılanysta bolǵan adamdardy epıdemıologııalyq tekserý jáne medısınalyq tekserý júrgizý úshin TKQSQB aýmaqtyq basqarmasynyń mamandary men medısına qyzmetkerlerinen quralǵan mobıldi top uıymdastyrylyp, oshaqtarǵa tolyq zararsyzdandyrý jumystaryn júrgizip jatyr.
Epıdemıologııalyq tergeý jáne epıdemııaǵa qarsy sharalar qolǵa alynǵan.
О́tken táýliktegi jaǵdaı boıynsha oblysta koronavırýs juqtyrǵan jalpy 74 adam tirkelgen, saýyǵyp shyqqandar sany — 50.