Qyzylorda oblysy Polısııa departamentine óndiristik praktıkadan ótýge kelgen IIM Bárimbek Beısenov atyndaǵy Qaraǵandy akademııasynyń 12 kýrsanty qorytyndy memlekettik attestattaýdy qashyqtyqtan oqytý formatynda «Platonýs» avtomattandyrylǵan aqparattyq júıesin qoldana otyryp, onlaın rejıminde tapsyrýda. Sharany uıymdastyrýda departamenttiń kadr saıasaty basqarmasy tarapynan kóp kómek jasaldy.
Osy maqsatta departamenttiń Jedel basqarý ortalyǵynyń konferens- zalynda kompıýterlik synyp jasaqtalyp, ınternet baılanyspen qamtamasyz etildi.
Sondaı-aq, Polısııa departamentiniń tergeý, jedel-krımınalıstıka, ózindik qaýipsizdik basqarmasynyń tájirıbeli qyzmetkerleri memlekettik attestaýda adaldyq prınsıpiniń saqtalýyn qadaǵalaýda.
Polısııa qatarynda bolýǵa suranys artyp keledi. Parasatty, yntasy bar jas qyzmetkerlerge memleket tarapynan jan-jaqty qoldaý kórsetilýde, - deıdi Polısııa departamenti bastyǵynyń orynbasary polısııa polkovnıgi Nálibaev Pazylbek Mashbekuly.