Dástúrli jalǵasyp kele jatqan is-shara erekshe formatta ótti. Tańerteńnen bastap qala kóshelerinde 28 avtokólik, 28 motosıkl júrip, 28 shaqyrym qashyqtyqty baǵyndyrdy. Keıin Esil ózenindegi kater de 28 shaqyrymdy baǵyndyrdy, dep habarlady elorda ákimdiginiń baspasóz qyzmeti.
Aýqymdy is-sharaǵa 28 sany kezdeısoq alynbaǵan: dál 28 jyl buryn Qazaqstanda Ulttyq rámizder: Memlekettik Tý, Ánuran jáne Eltańba bekitildi.
«Búgin keshke deıin sozylatyn is-sharaǵa júzden astam qala turǵyny men eriktiler qatysýda. Budan basqa, búgin biz Uly Otan soǵysynda qaza tapqandardy eske alý úshin Máńgilik alaýǵa 75 gúl shoǵyn qoıyp, Jeńistiń 75 jyldyǵyn atap ótpekshimiz», – deıdi «Astana jastary» KMM basshysynyń orynbasary Aıan Ermentaev.
Is-sharany uıymdastyrýǵa qalalyq shtab eriktileri belsendi qatysty.
«Biz bul sharany uıymdastyrýǵa kómek kórsetip, oǵan belsendi qatysyp jatyrmyz. Bul óte qyzyqty shara, oǵan qala turǵyndary, ásirese jastar belsene qatysady», – deıdi erikti Madına Nurlanqyzy.