Energetıka mınıstrliginiń Memlekettik energetıkalyq qadaǵalaý jáne baqylaý komıtetiniń tóraǵasy Erjan Ertaev Pavlodar oblysyna jumys sapary aıasynda Ekibastuz GRES-1 stansııasyna baryp, aldaǵy kúzgi-qysqy kezeńde elimizdiń iri energııa kózderiniń senimdi jumysyn qamtamasyz etý máseleleri boıynsha kóshpeli keńes ótkizdi, dep habarlaıdy Egemen.kz.
Keńeske «KEGOC» AQ, «Samuryq-Energo» AQ, Ekibastuz GRES-1, Ekibastuz GRES-2, «EEK» AQ, Pavlodar oblysynyń Energetıka jáne turǵyn úı-kommýnaldyq sharýashylyq basqarmasynyń basshylyǵy qatysty.
Keńes barysynda elektr stansııalarynyń aǵymdaǵy jumys kórsetkishteri, jóndeý baǵdarlamalarynyń oryndalýy jáne jabdyqtardyń paıdalaný senimdiligin arttyrý sharalary qaraldy.
О́tken jylytý maýsymyndaǵy energııa nysandary jumysynyń monıtorıng nátıjelerine erekshe nazar aýdarylyp, sonyń qorytyndysy boıynsha tehnologııalyq buzýshylyqtardy azaıtýǵa jáne jabdyqtardyń turaqty jumysyn arttyrýǵa baǵyttalǵan qosymsha tehnıkalyq jáne óndiristik baqylaý sharalary aıqyndaldy.
Ekibastuzda kartonǵa markermen memlekettik nómir jazyp alǵan júrgizýshi ustaldy
Komıtet tóraǵasy Ekibastuz energııa torabyndaǵy júıe quraýshy elektr stansııalary elimizdiń turaqty energııamen jabdyqtalýy úshin strategııalyq mańyzǵa ıe ekenin atap ótip, olardy daıyndaý máseleleri Energetıka mınıstrliginiń erekshe baqylaýynda ekenin aıtty.
Aldaǵy jylytý maýsymyna daıyndyq aıasynda Ekibastuz GRES-1 stansııasynda bir energoblok kúrdeli jóndelýde, Ekibastuz GRES-2-de de bir energoblokta jóndeý jumystary júrgizilýde. О́z kezeginde «EEK» AQ bir energobloktyń kúrdeli jóndeý jumystaryn aıaqtady.
«Negizgi mindet – jabdyqtardyń jylytý maýsymyna tolyq daıyn bolýyn qamtamasyz etý. Barlyq jóndeý jumystary kestege sáıkes jáne sapa men senimdilik talaptaryn saqtaı otyryp oryndalýy tıis», dep atap ótti Erjan Ertaev.
Keńes qorytyndysy boıynsha elektr stansııalarynyń basshylyǵyna jóndeý jumystarynyń ýaqtyly ári sapaly oryndalýyna jeke baqylaýdy qamtamasyz etý tapsyryldy. Komıtettiń aýmaqtyq departamentine energııa kózderiniń kúzgi-qysqy kezeńge daıyndyǵyna apta saıyn baqylaý júrgizý júkteldi.
Ekibastuzda sıfrlyq hab qurylady: Jer ýchaskeleri anyqtalyp, kelisimder jasaldy
Jumys saparynyń sońynda Erjan Ertaev Ekibastuz JEO-syna da baryp, jóndeý naýqanynyń barysy men jylý kóziniń aldaǵy jylytý maýsymyna daıyndyq jumystarymen tanysty.