Mádenıet jáne sport mınıstri Aqtoty Raıymqulova halyq aldynda esep berý kezdesýinde birqatar oqý-ádistemelik jáne taldaý ortalyǵynyń qyzmetkeriniń jalaqysy 2 esege artqanyn aıtty.
- Sportshylardyń dopıngke qarsy zerthanasynyń, Ulttyq dopıngke qarsy ortalyqtyń qyzmetkerlerine, dene shynyqtyrý jáne sport jónindegi Respýblıkalyq oqý-ádistemelik jáne taldaý ortalyǵynyń, Sportty damytý dıreksııasynyń qyzmetkerleri men jattyqtyrýshylaryna laýazymdyq jalaqynyń 100% mólsherinde jańa qosymsha aqy belgilendi. Osylaısha, olardyń jalaqysy 2 esege artty. Bul baǵytta jumys jalǵasatyn bolady, sala qyzmetkerlerin áleýmettik qoldaý máseleleri biz úshin árqashan da ózekti. Osyǵan baılanysty sala qyzmetkerlerin áleýmettik qoldaý júıesin odan ári damytýdy, jumystyń erekshelikteri bar mamandar úshin tólem máselesin pysyqtaýdy josparlap otyrmyz, - dedi Aqtoty Raıymqulova.
Mınıstrdiń aıtýynsha, bul áreket mamandyqtyń bedelin arttyryp qana qoımaı mýltıplıkatıvti áserin de beretin bolady.