Sybaılas jemqorlyqqa qarsy is-qımyl agenttiginiń Parasattylyq departamenti «Adaldyq alańy» respýblıkalyq jobalyq keńsesimen birlesip onlaın keńes ótkizdi. Keńeske óńirlik departamentter men jobalyq keńselerdiń basshylary qatysty, dep habarlady agenttiktiń baspasóz qyzmeti.
Atalǵan is-sharada «Adaldyq alańy» jobasynyń mamyr aıyndaǵy qyzmetiniń qorytyndysy talqylandy.
Máselen, kolledj jáne joǵary oqý oryndarynyń oqýshylarymen onlaın breın-rıngter ótkizilip, 1600-den astam stýdent qamtyldy.
Elimizdiń 12 óńirinde «Adaldyq alańy» derbes telehabarlar quryldy, onda sybaılas jemqorlyq quqyq buzýshylyqtardyń aldyn alý jáne halyq arasynda parasattylyq qaǵıdattarynyń taralýy boıynsha nátıjeleri aıtylady.
«Sapaly jol» jobasy sheńberinde 60-tan astam monıtorıng júrgizilip, onyń qorytyndysy boıynsha avtojol qurylysy kezinde 100-den astam buzýshylyq anyqtaldy.
Mamyr aıynda 42 ákimdik halyqqa qyzmet kórsetýdiń servıstik modeli boıynsha óz qyzmetin bastady.
Keńes qorytyndysy boıynsha aldaǵy aıǵa arnalǵan jobalyq tapsyrmalar tanystyryldy.