Shetelden kelgen azamattar eki táýlikke oqshaýlanady. Bul týraly 6 maýsym kúni shyqqan Bas sanıtarlyq dáriger Aıjan Esmaǵambetovanyń qaýlysynda aıtylǵan.
Qazaqstan Respýblıkasyna shetelden avıareıster keletin adamdarǵa qatysty is-sharalardy mynadaı tártippen júrgziledi:
Qazaqstan Respýblıkasynyń úkimettik delegasııalaryn; Qazaqstan Respýblıkasy Syrtqy ister mınıstrliginiń shaqyrýy boıynsha Qazaqstan Respýblıkasyna keletin shet memleketterdiń jáne halyqaralyq uıymdardyń resmı delegasııalarynyń múshelerin; Qazaqstan Respýblıkasynda akkredıttelgen dıplomatııalyq ókildikterdiń, konsýldyq mekemelerdiń jáne halyqaralyq uıymdar ókildikteriniń qyzmetkerlerin jáne olardyń otbasy múshelerin; avıakompanııalar ekıpajdaryn; Qazaqstan Respýblıkasynyń Memlekettik shekarasyn kesip ótýdiń 5 kúninen keshiktirilmeı berilgen PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bergen adamdardy qospaǵanda, Qazaqstan Respýblıkasyna shetelden kelgen barlyq adamdardy 2 táýlikke deıin COVID-19-ǵa zerthanalyq tekserý júrgizý úshin karantındik stasıonarda oqshaýlaýdy qamtamasyz etsin.
COVID-19-ǵa zerthanalyq tekserý nátıjelerin alǵannan keıin oń nátıjeli adamdar emdeý úshin ınfeksııalyq stasıonarǵa aýystyrylady, COVID-19-ǵa teris nátıjeli adamdarǵa osy qaýlyǵa 33-qosymshaǵa sáıkes tıisti qolhatty ala otyryp, COVID-19-dyń yqtımal sımptomdary týraly túsindirme júrgiziledi.
COVID-19 aýrýyn joqqa shyǵarmaıtyn belgileri bar adamdar karantındik stasıonarǵa emes, provızorlyq stasıonarǵa emdeýge jatqyzylady.
Qazaqstan Respýblıkasynyń Memlekettik shekarasyn kesip ótýdiń 5 kúninen keshiktirilmeı berilgen PTR ádisimen zerthanalyq tekserýdiń teris nátıjesi bar COVID-19-ǵa tekserilgeni týraly anyqtama bergen, avıareıspen shet elden kelgen adamdar COVID-19-ǵa zerthanalyq tekserý júrgizý úshin 2 táýlikke deıin karantındik stasıonarda oqshaýlaýǵa jatpaıdy. Olarǵa osy qaýlyǵa 33-qosymshaǵa sáıkes tıisti qolhat ala otyryp, COVID-19-dyń yqtımal sımptomdary týraly túsindirme júrgiziledi.