Túrkistan oblysy Keles aýdanynyń Bozaı aýyldyq okrýginiń turǵyny Andreı Grıbanov 3 balany tárbıelep otyrǵan jalǵyzbasty áke. Jary erte qaıtys bolyp, búginde 2 qyzy men ulyna ári áke, ári ana atanyp otyr, - dep jazady Egemen.kz
Osydan bes jyl buryn jumys babymen, úsh balasymen birge aýyldaǵy turǵyn úıin satyp, Saryaǵash qalasyna qonys aýdarǵan ol keıinnen densaýlyǵy syr berip, aýylǵa qaıtýǵa májbúr bolǵan. Aýyl turǵyndary jaldamaly páter surap kelgenin kórgen qońsysyna birlesip úı alyp berdi. Odan bólek, aýyldastary 20-ǵa jýyq qoı berip, aýyl ákimdigi otaǵasyn jumysqa ornalastyrǵan. Sondaı-aq, bozaılyqtar turmystyq tehnıka, jıhaz, ydys-aıaq, qajetti kıim-keshek, azyq-túlik taýarlarymen qamtamasyz etken. Aýyldastary aldaǵy ýaqytta baspanany tolyq jóndeýden ótkizbekshi.
Qaıyrymdylyq pen baýyrmaldyqty qatar sezingen Andreı Petrovıch bozaılyq aýyldastaryna sheksiz alǵysyn bildirýde.
Túrkistan oblysy