Koronavırýs ınfeksııasyna shaldyqqandar áli de anyqtalyp jatyr, dep habarlaıdy Egemen.kz.
Oblys ákimi baspasóz qyzmetiniń habarlaýynsha, ótken táýlikte 14 adamnan qaýipti indettiń belgisi tabylǵan. Olardyń úsheýi –Teńiz kenishindegi merdiger mekemelerde jumys istegen jumysshylar. Sondaı-aq, Atyraý qalasynyń 9, Qyzylqoǵa aýdanynyń 1, Inder aýdanynyń 1 turǵyny da koronavırýstyń «qaqpanyna» túsip otyr.
Naýqastardyń bári ınfeksııalyq aýrýhanaǵa jatqyzylyp, hattamaǵa sáıkes em qabyldap jatyr. Olarmen baılanysta bolǵandar anyqtalyp, indet oshaqtarynda epıdemıologııalyq zertteý, dezınfeksııalyq jumystar júrgizilýde.
Sońǵy málimetke súıensek, Atyraýda koronavırýs ınfeksııasyn juqtyrǵan naýqastar sany 1246 adamǵa jetip otyr. Onyń ishinde 892 pasıent jazylyp shyqty.