13 maýsym kúni Qyzylorda oblysy Polısııa departamenti Jergilikti polısııa qyzmeti basqarmasynyń patrýldik polısııa rotasynyń qyzmetkerleri "Batys Eýropa – Batys Qytaı" respýblıkalyq tas jolynyń 1324-shaqyrymynda sheteldik memlekettik nómiri bar avtokólikti toqtatyp, tekseredi. Kólikti tekserý kezinde artqy oryndyqtaǵy jolaýshynyń sómkesinen polıetılen pakette skochpen oralǵan esirtki zatyna uqsas jasyl tústi, ózine tán erekshe ıisi bar shóp untaqtary alyndy, - dep habarlaıdy Egemen.kz.
Saraptama qorytyndysy boıynsha onyń jalpy salmaǵy 415,85 gramm bolatyn, keptirilgen marıhýana ekendigi anyqtaldy.
Baıqońyr qalasynda turatyn kúdikti Aral aýdany Polısııa bóliminiń ýaqytsha ustaý abaqtysyna qamaqqa alynyp, oǵan qatysty Qazaqstan Respýblıkasy Qylmystyq kodeksiniń 296-baby 3-bóliginiń 3 – tarmaǵymen sotqa deıingi tergep-tekserý amaldary júrgizilýde. Oqıǵanyń mán-jaılary anyqtalýda.