Oblystyq Ekologııa jáne qorshaǵan ortany qorǵaý departamentiniń málimetinshe, avtokólikterden shyǵatyn ýly gazdyń atmosferalyq aýaǵa keri áseri az emes, dep jazady Egemen.kz
О́nerkásiptik zııandy qaldyqtardan bólek kólikterden shyǵatyn gazdyń da ekologııalyq ahýalǵa aıtarlyqtaı zalal keltiredi. Ekologterdiń aıtýynsha, belgili bir aýmaqta avtokólik shoǵyrla-natyn bolsa, máselen, keptelis kezinde avtomobılden aýaǵa shyǵatyn lastaýshy zattar kólemi shekti-uıǵaryndy konsentrasııasynan asyp ketedi.
Byltyr oblys ortalyǵynda benzınmen júretin 84 avtomobıl tekserilip, 38-inde ýlylyq normasynan asqany anyqtalǵan. Al dızelmen júretin 58 júk kóligin teksergende 7-ýinde tútin tıisti shekten artyqtyǵy baıqalǵan. Kólik ıelerine jergilikti polısııa qyzmeti qyzmetkerleri tarapynan aıyppul salynǵan. Qazir óńirde 192 myńnan astam jeńil kólik tirkelgen. Oblys ortalyǵynda 91 myń avtomobıl bar.
Almaty men Nur-Sultan qalalaryndaǵydaı bolmasa da, oblys ortalyǵyndaǵy kólik aǵyny túski, keshki keptelisterden baıqalady. Buǵan kópqabatty turǵyn úılerdiń aýlalarynda qaptap, zańsyzdyqty buzyp, qaz-qatar tizilip turǵan kólikterdi qosyńyz.
О́zderiniń ul-qyzdary, kishkentaı balalary oınaıtyn aýla ishin qalaı ýly gazǵa toltyratyndaryn kólik ıeleri áli túsinbeı júrgen sııaqty. Oblys ortalyǵynda avtoturaqtar bar, biraq, az, onyń ózi "jabaıy" túrde jasalǵan.
Ekologterdiń aıtýynsha, avtomobılderden shyǵatyn gaz aýany lastaıtyn qaýipti zattar qatarynda. Benzınmen júretin kólikterden kóbinde aýaǵa kómirtek totyǵy, kómirsýtek jáne azot totyǵy taraıdy. Al dızeldi qozǵaltqyshtary bar avtomobılderden azot oksıdi men qara kúıe shyǵady. Paıdalanylǵan gaz atmosferanyń jer betine jaqyn qabatyna qonady. Qarapaıym tilmen aıtsaq adamdar tynystaıtyn aýa bóliginde qalqyp turady eken.
Pavlodar oblysy