2021 jylǵy mánerlep syrǵanaýdan álem chempıonaty Shvesııanyń astanasy – Stokgolmde ótýi múmkin. Keshe Halyqaralyq konkıshiler odaǵy (ISU) osyndaı sheshim qabyldady, dep jazady Egemen.kz
Byltyrǵy dúnıejúzilik doda Japonııanyń Saıtama qalasynda uıymdastyrylǵan edi. Erler arasyndaǵy jarysta AQSh-tyń ókili Netan Chen teńdessiz dep tanyldy. Kúmis medaldi japondyq Iýdzýrıý Haný ıelense, taǵy bir amerıkalyq sportshy Vınsent Chjoý qolaǵa qol sozdy. Áıelder saıysynda reseılik Alına Zagıtova altynnan alqa taǵynsa, Evgenııa Medvedeva úshinshi satyǵa jaıǵasty. Al kúmis medaldi qazaqtyń qyzy Elızabet Tursynbaeva oljalady.
Sporttyq juptar saıysynda bas júlde qytaılyq Sýı Venszın men Han Sýn buyrsa, Reseıdiń qos juby – Evgenııa Tarasova men Vladımır Morozov jáne Natalıa Zıbıako men Aleksandr Enbert ekinshi jáne úshinshi oryndardy ózara bólisti. Bıshiler básekesinde fransııalyq Garbrıela Papadakıs pen Gııom Sızeron aldaryna jan salmasa, reseılik Vıktorııa Sınısına men Nıkıta Kasapalov jáne amerıkalyq Medıson Habbell men Zaharı Donohıý júldegerler qataryna qosyldy.