KMF mıkroqarjy uıymy Eýropalyq Qaıta qurý jáne Damý Banki (EQDB) usynǵan ulttyq valıýtadaǵy nesıe koronavırýstyq pandemııa áserinen mıkro, shaǵyn jáne orta kásiporyndardyń (ShOB) ótimdilikke degen shuǵyl qajettilikterin jabady", dep habarlaıdy Egemen.kz
40 mln dollarǵa balamaly qazaqstandyq teńgedegi nesıe jergilikti kásiporyndarǵa kásipkerlik qyzmetti jalǵastyrýǵa jáne jumys oryndaryn saqtaýǵa kómektesedi. Sarapshylar nesıeniń ulttyq valıýtada usynylýy qaryz alýshylardyń valıýtalyq táýekelderin azaıtady. "Qazir biz klıentterimizdiń bıznesi belsendi túrde qalpyna keltirilip jatyr. Biz bul qarjylandyrýǵa joǵary suranysty atap ótemiz jáne EQDB-ǵa kásipkerlik belsendilikti, onyń ishinde ózin-ózi jumyspen qamtyǵan azamattardy kóbeıtý úshin jumys jasaıtyn Qazaqstanǵa ınvestısııalar tartý boıynsha belsendi jumysy úshin alǵys bildiremiz", dedi KMF Basqarma Tóraǵasy Shalqar Júsipov.
KMF-tiń Qazaqstan boıynsha 14 fılıaly jáne 111 bólimshesi bar. Kúni búginge deıin Qazaqstanda 225 000 astam klıentterge qarjylyq qyzmet kórsetti. Kompanııa 2005 jyldan bastap EQDB seriktesi. EQDB COVID-19 pandemııasynan týyndaǵan ekonomıkalyq quldyraýǵa jaýap retinde eki birlesken kómek paketin bóldi jáne qazir 2020-2021 jyldary bızneske 21 mlrd eýroǵa deıingi jalpy ınvestısııalardy baǵyttaýdy josparlap otyr.