Júkti áıelder úshin tuqym qýalaıtyn aýrýlardyń aldyn-alý óte mańyzdy ekendigi aıan, - dep habarlaıdy Egemen.kz.
Sondyqtan da MÁMS paketindegi keńes berý men dıagnostıkanyń tegin 14 túriniń ishinde bul másele qarastyrylǵan.
Qazirgi tańda elimizde bala taba alatyn jastaǵy (ıaǵnı, júktilik úshin eń qolaıly) áıelderdiń densaýlyǵynyń jaı-kúıi týraly statıstıka jahandyq prosesterge sáıkes keletindigin kórsetedi.Mysaly, túsik jasatý 10 jyldan beri azaıyp keledi: 2010 jyly myń áıelge shaqqandaǵy 23 jaǵdaıdan 2018 jyly 15,2 jaǵdaıǵa tómendegen.
Shyǵys Eýropa elderindegi jáne Reseıdegi sııaqty júkti áıelder jyldan jylǵa klınıkalarǵa ýaqtyly tirkelýge jaýapkershilikpen qaraıdy: eger 2005 jyly 28% derlik kesh tirkelse, 2018 jyly bul kórsetkish 15% deıin tómendedi.
Júkti áıelder memleket MÁMS júıesine saqtandyrýǵa aýdarym jasaıtyn azamattardyń 15 jeńildik sanatyna enedi.
Demek, bolashaq analarǵa medısınalyq-genetıkalyq qyzmetterdiń quny týraly alańdaýdyń qajeti joq. Aıaǵy aýyr áıelderge tuqym qýalaıtyn keselderdi anyqtaý úshin eń qymbat skrınıngter men genetıkalyq synaqtardy qosa alǵanda aqysyz qyzmet kórsetiledi. Mysaly, MÁMS paketine áıelderdiń qaterli isik aýrýyn anyqtaýǵa kómektesetin FISh-ádisi sııaqty zamanaýı molekýlıarly sıtogenetıkalyq zertteý túri kiredi.
Jadynamada MÁMS paketinde alýǵa bolatyn tegin medısınalyq- genetıkalyq qyzmetterdiń tolyq tizimi jınaqtalǵan.
Sondyqtan, júkti kelinshekterge qosymsha aqparat alýǵa bolatyn medısınalyq saqtandyrý qory baılanys ortalyǵynyń 1406 nomerli telefonyn saqtap qoıǵany abzal.