Aqparat jáne qoǵamdyq damý mınıstri Aıda Balaeva Ortalyq kommýnıkasııalar qyzmetinde ótken esep berý kezdesýinde Qazaqstannyń damýyna jáne áleýmettik mańyzdy máselelerdi sheshýge úles qosqan úzdik eriktiler "Jyl volonteri" halyqaralyq syılyǵymen marapattalatynyn aıtty, - dep habarlaıdy Egemen.kz.
"Bıyl 7 qazaqstandyqty BUU qurylymdarynda jumys isteý úshin eriktiler retinde jiberý josparlanyp otyr. Qazaqstannyń damýyna jáne áleýmettik mańyzdy máselelerdi sheshýge úles qosqan úzdik eriktiler men bastamalar "Jyl volonteri" halyqaralyq syılyǵymen marapattalady. Árıne, 1 jyl ishinde eriktilikti damytý úshin barlyq bastamalardy aıaqtaý qıyn, biraq ol ári qaraı júıeli damýdyń betburysty kezeńi bolyp tabylady", - dedi Aıda Balaeva.