Densaýlyq saqtaý mınıstri Alekseı Soı Memleket basshysyna koronavırýspen kúresýge qatysty 10 usynys jasady, - dep habarlaıdy Egemen.kz tilshisi.
Jańa mınıstrdiń halyqqa tıimdi dep otyrǵan sharalary mynadaı:
- ambýlatorlyq deńgeıde ınfeksııany emdeýdiń qarapaıym jáne túsinikti nusqaýlyqtaryn ázirleý;
- dári-dármekterdi jetkizý jáne satyp alý prosedýralaryn jedeldetý, otandyq óndirýshilerdi yntalandyrý;
- COVID-19 dıagnostıkasynda sıfrlyq rentgen apparattaryn kompıýterlik tomografııamen birge qoldaný arqyly dıagnostıkanyń qol jetimdiligin arttyrý;
- synaq zerthanalarynyń múmkindikterin keńeıtý, testterdi ýaqytynda jetkizý;
- shaqyrtý kezinde mobıl toptardyń synaq qorshaýlaryn uıymdastyrýy;
- naýqastarǵa úıinde eń qaýipsiz medısınalyq kómek kórsetý;
- ambýlatorlyq deńgeıde qashyqtan keńes berý;
- aýrýhanalardy jasandy tynys berý apparatymen jabdyqtaý;
- jerleý tártibin ózgertý;
- azamattarǵa epıdemıologııalyq eskertýdi arttyrý.