Áleýmettik jelilerde 30 maýsymnan bastap belgisiz merzimge shekteý sharalaryn kúsheıtý týraly habar paıda boldy. osyǵan baılanysty iri qalalar, onyń ishinde el ordasy - Nur-Sultan da jabylatyny aıtylǵan. Osy aqparatqa baılanysty úkimettiń baspasóz qyzmeti túsinik berdi, - dep habarlaıdy Egemen.kz.
"Áleýmettik jelilerde vedomstvoaralyq komıssııa maquldaǵan qosymsha shekteý sharalaryn engizý týraly habarlama taratyldy. Bul taraǵan aqparat jalǵan jáne shyndyqqa sáıkes kelmeıdi. Resmı aqparat kózderine senińizder", - delingen habarlamada.
Eske salaıyq, 29 maýsymda Qazaqstan Prezıdenti Qasym-Jomart Toqaev 2020 jyldyń naýryz-mamyr aılarynda bolǵan qatań karantındik sharalardy qaıta engizýge bolatyndyǵyn aıtqan edi. Prezıdent Memlekettik komıssııaǵa eki kúnniń ishinde shekteý sharalaryn kúsheıtý jóninde usynystar ázirleýdi tapsyrdy.