Qazaqstan Respýblıkasynyń zańy boıynsha tirkeýge alynbaǵan, zańsyz ań aýlap júrgende tárkilengen, sonymen birge azamattardyń óz erkimen tapsyrǵan qarý-jaraqtary joıylady. Jýyrda Soltústik Qazaqstan polısııasy osyndaı 724 qarýdyń kózin joıdy, - dep jazady Egemen.kz
Ony joıý úshin komıssııa músheleriniń kózinshe akt jasalady jáne qarýlar atýǵa jaramsyz bolatyndaı etip, aramen uńǵylary kesiledi. Sosyn sany anyqtalyp, odan jáshikke salynyp, aýzyn mórlep bekitip, temir-tersek qorytatyn peshi bar kásiporynǵa ákelinedi. Osy jerde barlyq komıssııa músheleriniń kózinshe qarý-jaraqtyń temir bólikteri eritiledi. Sóıtip, 724 otty qarý komıssııa músheleriniń kózinshe kesek temirge aınaldyryldy. "Bulardyń bári zańsyz saqtalǵan, sonymen birge qylmysqa qoldanylǵany úshin tárkilengen qarý-jaraqtar. Olardyń kóbi zańsyz ańshylyqqa paıdalanylǵany úshin sottyń sheshimimen tárkilendi", deıdi SQO PD Tyldyyq qamsyzdandyrý basqarmasynyń bastyǵy, polısııa maıory Aleksandr Terehov.
Sonymen birge ol keıbir turǵyndardyń úılerinde qalǵan eski qarý-jaraqty óz erikterimen tapsyratynyn da aıtty. Mundaılar atalarynan qalǵan eski ańshylyq myltyqtary bolady eken. Ondaıdyń keıbirin balalary tyǵýly jatqan jerinen taýyp alatyn kórinedi.
Polıseıler tirkelmegen qarý-jaraqty saqtaǵany úshin tartqyzatyn jaýapkershilikten olardy polısııaǵa óz erkimen tapsyrý ǵana qutqaratynyn turǵyndarǵa eskertip júr. Ústimizdegi jyldyń 1 shildesinen bastap osyndaı aksııa bastalyp ketken. Tirkelmegen qarýdy tapsyrǵandar aqshalaı syıaqy da alady. Mundaıdy estigen oblys turǵyndary alǵashqy úsh kúnniń ishinde 31 qarý tapsyrǵan.
Soltústik Qazaqstan oblysy