Túrkistan oblysy aýmaǵynda bes dári-dármekter men medısınalyq qurylǵyldardy zańsyz satý faktileri anyqtaldy. Polısııa departamentiniń qyzmetkerleri dárihanalardaǵy dári-dármekterdi zańsyz satý faktilerin boldyrmaýǵa baǵyttalǵan reıd ótkizgen bolatyn.
Túrkistan qalasynyń aýmaǵynda júrgizilgen jedel is-sharalar kezinde dárihanalardyń biriniń farmasevti "Cef-3" dári-dármekterin úlken kólemde satyp jatqan jerinen ustaldy. Satýshy 336 qorapty 1500 teńgeden 405 000 teńgege satqan. Al, dárihanalardaǵy bir qoraptyń quny – 1300 teńge. Odan ári, áleýmettik jelilerdi baqylaý barysynda krımınaldyq polısııa qyzmetkerleri Saryaǵash turǵynynyń medısınalyq maskalardy zańsyz saýdalaǵanyn anyqtady. Turǵynnyń kóligin tekserý kezinde tártip saqshylary 4950 dana medısınalyq maska tárkiledi. Sol kúni Arys aýdanynda polısııa qyzmetkerleri “askorbın qyshqyly” Arys qalasyndaǵy dárihanalardyń birinde 700 teńgeden satylǵanyn anyqtaǵan. Bólshek saýdada atalǵan dári baǵasy 300 teńge. Polısııa departamentiniń habarlaýynsha, barlyq faktiler boıynsha tekserý júrgizilip, arnaıy sharalar qabyldanatyn bolady.