Bıyldyń 6 aıynda Sybaılas jemqorlyqqa qarsy is-qımyl agenttiginiń Túrkistan oblysy boıynsha departamentimen Tergeý basqaramasynyń óndirisindegi 257 qylmystyq istiń 154-i tirkelgen. О́ndiriste bolǵan isterdiń 148-i aıaqtalyp, onyń 62 isi sotqa joldanǵan, dep habarlaıdy Egemen.kz.
2020 jyldyń 1 jartyjyldyǵynda atqarylǵan jumystardyń qorytyndysy boıynsha ótken brıfıngte Departament basshysynyń birinshi orynbasary Mıras Qarǵabaı zań buzýshylyqtarǵa yqpal etken mán-jaılardy joıý jónindegi usynystardy engizý kórsetkishi 100%-ǵa jetkenin aıtyp ótti. Bıyldyń 6 aıynda 59 usynys joldanyp, onyń 40-y qaralǵan, 25 laýazymdy tulǵa tártiptik jaýapkershilikterge tartylǵan. Sybaılas jemqorlyq quqyq buzýshylyq faktisi týraly habarlaǵan nemese sybaılas jemqorlyqqa qarsy is-qımylda ózge de jolmen járdemdesken 7 tulǵaǵa 1,3 mln teńge kóleminde aqshalaı syıaqy berilgen. M.Qarǵabaıdyń málimdeýinshe, Agenttiktiń 1424 Call ortalyǵyna Túrkistan óńirinen habarlasqan 73 azamattyń bergen aqparaty arqyly jedel áreket etý amaldary júrgizilip, nátıjesinde 5 tulǵanyń zańsyz áreketi úshin qylmystyq is qozǵalǵan. Sondaı-aq, M. M.Qarǵabaı búgingi kúni arnaıy jumys toby dárihanalardaǵy dári-dármekterdiń jetispeýshiligi men baǵanyń turaqtylyǵyna keshendi monıtorıng jumystaryn júrgizý bastalǵanyn habarlady. Dárihanalardaǵy dári-dármek qunynyń kúrt ósýin baıqaǵan óńir turǵyndaryna 109, 102 jáne 8 776-837-09-00 nómirleri arqyly habarlaýǵa bolatyndyǵyn jetkizdi.