Prezıdent Qasym-Jomart Toqaev: Úkimetke jyl sońyna deıin 250 myńnan astam turǵyny bar eldi mekenderdi sapaly ınternetpen qamtamasyz etýdi tapsyramyn. Bul halqymyzdyń 99,3 paıyzyn qamtıdy", dep Egemen.kz habarlaıdy.
Qazaqstan Prezıdenti: "Qashyqtan oqytý ádisine kóshý isi ınfraqurylym men ınternet sapasyna qatysty eleýli máselelerdiń bar ekenin kórsetti. Muǵalimderdiń 20 paıyzdan astamy úılerinde tolyqqandy ınternet pen kompıýter joq bolǵandyqtan, qashyqtan tıimdi oqyta almady", dep Úkimet pen ákimdikterdiń qyzmetine kóńili tolmaıtynyn atap ótti.
Memleket basshysynyń aıtýynsha, mektepterdiń balansyndaǵy 400 myńnan astam kompıýterdiń tek 40 paıyzy ǵana iske jarady. Bul – ákimdikter men mınıstrliktiń jumysynyń nátıjesi. Ákimdikter jańa oqý jylyna dereý daıyndalyp, mektepter men jekelegen muqtaj otbasylardy qajetti tehnıkamen jabdyqtaýlary tıis ekenin naqty aıtty.