Qostanaı joǵarǵy medısınalyq kolledjiniń 2-3 kýrs stýdentteri búginde ár aýdandaǵy emdeý mekemelerinde belsendi jumys istep júr.
Búgingi tańda kolledj qabyrǵasynda jalpy sany 594 shákirt bilim alyp jatyr. Onyń 154-i indetke qarsy kúrestiń aldyńǵy shebinde júr. 20 stýdent provızorlyq stasıonarlarǵa jumysqa ornalasqan.
"Bıyl medısınalyq kolledji 264 túlek támamdap, mamandyqtaryna saı sertıfıkattaryn qoldaryna aldy. Sonyń ishinde 50 túlek birden feldsher, medbıke, akýsher mamandyqtary boıynsha jumysqa shyǵyp ketti", - dedi densaýlyq saqtaý basqarmasynyń baspasóz hatshysy Ksenııa Jylqybaeva.