Petropavl qalasynyń jergilikti bıligi qala kóshelerin kóshpeli beınebaqylaý kameralarymen jabdyqtaýdy josparlap otyr, dep habarlaıdy Egemen.kz
Qala ákimi Bolat Jumabekovtyń aıtýynsha, "tuzaq" beınebaqylaý kamerasy kóshelerdi lastaǵysy jáne aıaldamalardyń áınekterin syndyrǵysy keletinderge toqtaý bolatyna kámil senedi.
"Bizde turǵyndar jıi qoqys tastaıdy. Sondaı-aq ony óz jaýapkershiligine alǵysy kelmeıdi. Sondyqtan "tuzaq" kameralaryn ornatý arqyly tártip buzýshylardy tez arada anyqtap, jaýapkershilikke tarta alamyz. Kameralar qalanyń ár bóliginde jáne aıaldamalarda ornatylady", deıdi qala basshysy B.Jumabekov.
Petropavlda 200-den astam aıaldama pavılony bar. Jyl sońyna deıin qala ákimdigi olardyń jartysyn beınebaqylaý kameralarymen jabdyqtamaq.