Ol úshin Damumed qosymshasyn paıdalaný qajet. Bul týraly elorda ákimdiginiń resmı saıty habarlaıdy, dep jazady Egemen.kz
Qala turǵyndary úıden shyqpaı-aq, beıindi medısınalyq mamandardan keńes ala alady. Elorda emhanalarynyń dárigerleri Damumed qosymshasy arqyly tegin onlaın-keńes beredi. Qosymshany Google Play nemese AppStore-dan júkteýge bolady.
"Qosymshaǵa tirkelý úshin JSN jáne uıaly telefon nómirin kórsetý, sondaı-aq qujattyń fotosýretin (jeke kýálik nemese pasport) qosa berý qajet. Sýrette JSN anyq kórinýi tıis. Osy derekterdi jibergennen keıin siz tirkelgen medısınalyq uıymǵa ótinish túsedi. Emhana qyzmetkerleri engizilgen málimetterdiń durystyǵyn jáne qosa berilgen fotosýrettiń sáıkestigin teksere otyryp, ótinishti óńdeıdi. Eger bári sáıkes kelse, ótinish maquldanady. Siz kórsetken nómirge tórt tańbaly kody bar sms habarlama keledi", dep túsindirdi baǵdarlama ázirleýshileri.
Basty terezede tirkelgennen keıin "Dárigerdiń qabyldaýyna jazylý" bastyrmasyn basý qajet, ári qaraı tómendegi terezede "Tegin qyzmetke jazylýdy" tańdaý kerek. Dárigerdi tańdaǵan kezde, eger keste qashyqtan keńes berý úshin qoljetimdi bolsa, "Onlaın keńes berý qoljetimdi" degen jazýdy kóresiz. О́zińizge yńǵaıly ýaqytty tańdap, basyńyz.
Sodan keıin "Onlaın keńes" qosqyshyn jyljytyńyz. Keńes berý kezinde dárigerge sizdiń aldyńǵy qabyldaýlaryńyz týraly aqparat qoljetimdi bolady. Qabyldaý týraly aqparat dárigerdiń medısınalyq jazbasynda saqtalady. Arnaıy medısına mamanynan keńes alý úshin, ýchaskelik dárigerdiń joldamasy qajet.
"Qashyqtan keńes berý kezinde, naýqas uıaly qosymshadan kóre alatyn jáne dárihanadan dári-dármek satyp ala alatyn resept jazyp bere alamyz. Sondaı-aq ár azamat aýrýhanalyq paraqtardy, zerthanalyq taldaýlardy, tekserý nátıjelerin kóre alady. Barlyq keńesterdi ýchaskelik dárigerler men beıindi mamandar júrgizedi. Iаǵnı emhanaǵa taǵy kelýdiń qajeti joq. Barlyǵy bir qosymshada", deıdi № 9 qalalyq emhananyń nevropatolog-dárigeri Svetlana Korolkova. Qazirgi ýaqytta júıege elordanyń 19 medısına mekemesi qosylǵan.