Biz buǵan deıin de pandemııa kezinde halyqtyń qaraly qasireti men sharasyzdyǵynan paıda tabýǵa umtylǵandar, qazir asa qat bolyp turǵan dári-dármekterdi alypsatýmen aınalysyp júrgender jaıly másele kótergen edik, - dep habarlaıdy Egemen.kz
Búgin osy máselege baılanysty Almaty ákimi tómendegideı málimdeme jasady.
Qala ákiminiń aıtýynsha, polısııaǵa zırat qyzmetkerleriniń zańbuzýshylyǵyn aıtyp, 8 adam júgingen. Zırat qyzmetkerleri olardy bekitilgen somadan bólek 70-80 myń teńge tóleýge májbúrlegen. Qazir osy is boıynsha 2 adam ustaldy. "Qalada medısınalyq zattar men dári-dármek baǵasyn sharyqtatqan alypsatarlar ustaldy. Olar eń qajet buıymdardy kóterme baǵamen kóp mólsherde satyp alǵan. Sosyn ınternet arqyly habarlandyrý bergen. Qalalyq polısııamen birige otyryp, klıent retinde habarlasyp, kezdesýden soń olardy áshkereleýmen aınalystyq. Osylaısha 8,5 mln teńgege dári-dármek tárkiledik", - dedi ákim.
Zańsyz dári saýdasynyń jolyn kesý úshin polısııa, ekonomıkalyq tergeý departamenti, taýarlar men qymetterdiń sapasy men qaýipsizdigin qadaǵalaý departamentiniń mamandarynan mobıldi top quryldy. Bul top 100-ge jýyq jýyq quqyqbuzýshylyqty anyqtady. Onyń 24-i boıynsha qylmystyq is qozǵaldy. 986 qaptama "Levosın", "Ingavırın", "Fraksıparın", "Azıtromısın", 8,5 mln medısınalyq maska tárkilendi. 39 adam ákimshilik jaýapershilikke tartyldy.