Elorda ákimi Altaı Kólginov óziniń Instagram jelisinde karantın bastalǵannan beri azamattardy qabyldaýdy toqtatpaǵanyn jáne turǵyndardy qabyldaý onlaın-formatqa aýystyrylǵanyn atap ótti, dep habarlaıdy Egemen.kz
"Azamattar kótergen máselelerdiń oryndalý barysyn qaraý jáne baqylaý úshin elektrondy kartalar júıesi quryldy. Qabyldaýda kóteriletin negizgi máselelerdiń qataryna jumysqa turý men turǵyn úı jaǵdaıyn jaqsartý jatady", deıdi qala basshysy.
Qala basshysynyń aıtýynsha, qordalanǵan máselelerdiń qatarynda turǵyn úı kommýnaldyq sharýashylyǵy baǵdarlamasy boıynsha qasbetti nyǵaıtý, shatyrdy aýystyrý, kireberisterdi jóndeý jáne taǵy basqa jóndeý jumystary júrgizilip jatyr. Bıyl 50-den astam kóppáterli turǵyn úı keshenderi jóndeýden ótip, sonyń 130-dan astamy jedelsatyǵa aýystyrylady. Atqarylyp jatqan jumystar turǵyn úı jaǵdaıyn aıtarlyqtaı jaqsartatynyn tilge tıek etti. Altaı Kólginov: "Sonymen birge apatty jaǵdaıdaǵy eski úılerdi súrý jumystary júrgizilip jatyr. Tizimde salynǵanyna 90 jyl bolǵan úı de bar. Kóterilgen máseleler baqylaýda", deıdi elorda ákimi.