"KazHrom" trans ulttyq kompaınıasynyń basty qurylymdyq bólimshesi – Aqtóbe ferro qorytpa zaýyty indet kezinde medısına mekemelerine teńdesi joq kómegin tıgizýde. KVI men pnevmonııa derti qos ókpeden qysqanda adamnyń tynys alýy qıyndap, ottegi jetpeı qalatyny belgili bolyp otyr. Osy oraıda atalǵan zaýyt mamandarynyń shildeniń 28 juldyzynan bastap ottegi ballondaryn shyǵarýdy qolǵa aldy. Sóıtip búgingi kúnge deıin olar oblys aýmaǵyndaǵy aýrýhanalar men provızorlyq gospıtaldarǵa alty myń danadan astam ottegi ballondaryn jetkizgen.
Mundaı ótini-tilek zaýyttyqtarǵa aqtóbelik dárigerler tarapynan bildirilgen eken. Sóıtip burynnan óz isimen qalyptasqan mashyǵy bar is qaıtadan qolǵa alynyp, oǵan qajetti jumys kúshi men kólik tartylǵan. Sol kezde bir aıda ne bári otyz osy tektes ónim jasalsa, búgingi kúni tek bir táýiliktiń ishinde ottegi ballonynyń úsh júzi emdeý mekemelerine jol tartýda.
- Kómekteri indet juqtyrǵandarǵa qajet ekenin seziný ottegi ýchaskesiniń maman-qyzmetkerlerine jańa serpin men jiger berdi dep senimmen aıta alamyn. Olar táýilik boıy jumys isteý tártibin ózderi attaı qalap aldy. Biz soǵan súısindik. Bul istiń jaýapkershiligi óte joǵary. Sondyqtan da onyń taza ári sapaly bolýy muqııat qadaǵalanady. Adam ómiri úshin aıqas ýaqyt kúttirmeıdi. Sondyqtan aýrýhýnadan túsken suranystardy tolyqtaı óteýge umtylyp kelemiz, - dedi bul jóninde gazet tilshisine "KazHrom TUK" AQ-nyń Prezıdenti Arman Esenjolov.
- О́z kezeginde indetpen arystansha arpalysyp júrgen densaýlyq saqshylary da óndirisshilerge sheksiz alǵystary men rızashylyǵyn jetkizýde. Mysaly «Darý» emdeý-saýyqtyrý klınnıkasynyń bas dárigeri Izolda Kalandııa zaýyt mamandarynyń eńbegi naýqastardy ajaldan arashalap alyp qalyp júrgen dárigerlerden bir mysqal kem túspeıtinin aıtyp berdi.
Sondaı-aq TUK basshysynyń aıtýynsha Aqtóbe medısınalyq ortalyǵy (AMO) ujymynyń tarapynan Bobrov apparatyna ottegini dymqyldandyrý úshin qajetti arnaıy shtýser-tetikti áirleý jóninde óte kúrdeli usynys-tilek túsipti. Bul joly kompanııadaǵy jóndeý-mehanıkalyq sehynyń mamandary on oılanyp, júz tolǵanyp, júz jeti ret ólshep, bir ret kesip sol qajetti qondyrǵyny jasap shyǵarypty.
Árıne bul arada olar Aqtóbe medısına ortalyǵynda dárigerlermen keńesip, olardyń bildirgen usynys tilekterin nazarǵa alǵany aıtpasa da túsinikti. Aq halattylar mamandarǵa bul detaldyń úlgi-pishimi qandaı bolýy kerektigi jóninde egjeı-tegjeıli aıtyp beripti. Sodan soń olar qaıtadan zaýyttaryna oralyp, onyń eskız-nobaıyn jasap shyǵarady. Onyń alǵashqysy synama túrinde bolsa, keıingisi kózdegen nátıjege qol jetkizgen. Sóıtip, zaýyt jańashyldary onyń qyryz jıyntyǵyn shyǵaryp AMO-ǵa jetkizgen.
Sátin salǵanda "Kazhromnyń" bul tetigi paıdalanylý kezinde tolyqtaı oń nátıje kórsetken. Jóndeý-mehanıkalyq seh bastyǵynyń orynbasary Temirbaı Mamyrbaev aıtyp bergen bul áńgime zaýyt sheberleriniń biliktiligi men kásibı sheberligin, ári tyń izdenisterge boı ura alatnyn taǵy bir márte aıqyndaı alǵany anyq. Bul joly Aqtóe medısınalyq ortalyǵynyń bas dárigeri Rústem Isaev zaýyt tapqyshtarynyń oı súzgisinen shyqqan detal arnaıy medısınalyq qural-jabdyqtar jasaıtyn mamandar qyzmetiniń qataryna qoıypty.
Sonymen birge kazhromdyqtar dárigerlerge qoldaýyn elimizde COVID-19 dertiniń eń alǵash tirkelgen kezinen kórsete bastaǵanyn aıta ketken oryndy. Sóıtip olar sáýir aıynda "Biz Birgemiz" aksııasy aıasynda erikti túrde eki mıllıon teńge jınap medısına mekemesiniń esebine aýdarǵan. Onyń teń jartysy kishi medısınalyq qyzmetkerlerge materıaldyq qoldaý retinde berilgen. Sondaı-aq atalǵan kompanııanyń ınjener-tehnık qyzmetkerleri men barlyq jumysshylary metallýrg mamandyǵynyń ıeleri bolyp tabylady. Olar taıaýda ótkizilgen kásibı merekeleri – Metallýrg kúni qarsańynda ózderi men ózderi máre-sáre bolýdy qalamaı Aqtóbe, Hromtaý jáne Aqsý qalalaryndaǵy medısına mekemeleri ujymdaryna jemis-jıdekter men tátti taǵamdar jıyntyǵyn jetkizip bergen eken.
Endeshe "Jaraısyńdar, kazhromdyq jigitter!" deýdiń ábden jóni bar emes pe?!
AQTО́BE