Qyrǵyz respýblıkasynyń prezıdenti Sooronbaı Jeenbekov 30 shilde - Ulttyq aza tutý kúni bolatynyn málimdedi, - dep habarlaıdy Egemen.kz.
Sońǵy derekter boıynsha elde 32 myńnan astam COVID-19 ben pnevmonııa oqıǵasy tirkelgen. 19 203 naýqas jazylyp shyqsa, 1 249-y kóz jumdy.
"Men bul týraly oılap júrgen edim. Ýaqytynan erte aıtqym kelmegen, biraq sol týraly sóz qozǵaǵannan keıin aıta ketken jón dep oılaımyn. 31 shilde kúni biz Qurban aıt merekesin toılaımyz. Al 30 shilde el boıynsha Ulttyq aza tutý kúni bolyp jarııalanady. Soǵan sáıkes jarlyq shyǵady", - dedi qyrǵyz Prezıdenti.